Həsən Ruhani niyə aksiyalara rəy bildirmir?

"Həsən Ruhani və onun ətrafındakı komanda qarşıdan gələn parlament seçkilərində iştirakı planlaşdırır".

Bu barədə “Cam-e Cəm” qəzeti yazıb. 

İran nəşri iddia edib ki, məhz buna görə eks-prezidentin siyasi düşərgəsi sentyabrdan bəri davam edən iğtişaşlara mövqe nümayiş etdirməkdən çəkinib.

"Xatəmi kimi insanların son hadisələrlə bağlı rəsmi və şəffaf mövqe tutduğu bir şəraitdə Həsən Ruhani fərqli yol tutaraq özünü mühafizəkarlıq və ehtiyatlılıq aurasına qərq etməyə çalışıb. İlk şəxs iğtişaşlar başlayandan sonra açıq şəkildə aktivdir. Həsən Ruhaninin isə son hadisələrlə bağlı susqunluğu belə təhlil oluna bilər ki, o, günün hadisələri ilə bağlı hər cür rəsmi və ictimai mövqenin açıqlanmasının özü və müttəfiqləri üçün siyasi fayda verməyəcəyini çox gözəl bilir".

"Yəni çətin iqtisadi vəziyyətin yaranmasında mühüm amil olan Ruhani indiki vəziyyətə müxalif rolunda görünə bilməz. Ona görə də siyasi kəşfiyyat onun üçün hazırkı dövrün sükutla müşayiət olunmasını tələb edir", - deyə "Cam-e Cəm" iddia edib.