Paşinyan Laçın dəhlizinə görə Kremlə vaxt verdi
26 dekabr, 2022 16:03
Ermənistanın baş naziri Nikol Paşinyan Kremldən yanvarın 10-a kimi Laçın dəhlizi məsələsini yoluna qoymağı tələb edib.
Bu barədə erməni Teleqram kanalları məlumat yayıb.
Qeyd olunur ki, Paşinyan əks halda Kremlə Ermənistanın Kollektiv Təhlükəsizlik Müqaviləsi Təşkilatı (KTMT) və Müstəqil Dövlətlər Birliyinə (MDB) üzvlükdən denonsasiyaya başlayacağı barədə xəbərdarlıq edib.
"Paşinyan Laçın dəhlizi məsələsi həll olunmazsa, 2023-cü ilin sonuna kimi Ermənistanın KTMT və MDB-dən çıxması prosesini başa çatdıracağını bildirib", - deyə erməni Teleqram kanalları yazır.
