"İranın ermənipərəst mövqeyi bizi məyus edir" - Kalın

“İranda baş verənlər üzücü və narahatedicidir”.

Bunu Türkiyə prezidentinin mətbuat katibi İbrahim Kalın NTV telekanalına müsahibəsində deyib.

Kalın İranın əxlaq polisinin əsas hüquq və azadlıqları qoruyan bir quruma çevriləcəyinə ümid etdiyini də dilə gətirib: “Mən görürəm ki, İran administrasiyası da bu istiqamətə yönəlib”.

İbrahim Kalın həmçinin İranın ermənipərəst mövqeyi ilə bağlı Türkiyə rəhbərliyinin narahatlığını ifadə edib: “Zaman-zaman biz də Azərbaycan kimi İranın ermənipərəst mövqeyinə görə narazı qalırıq. Bu barədə biz İran tərəfi ilə də danışırıq”.