Yaponiya Rusiya ilə sülh müqaviləsi imzalamaq istəyir
23 yanvar, 2023 10:39
Yaponiyanın baş naziri Fumido Kisida ölkəsinin Rusiya ilə ərazi ixtilafından danışıb.
TASS xəbər verir ki, o, Yaponiyanın Rusiya ilə sülh müqaviləsi bağlamaq istədiyini açıqlayıb.
"Baxmayaraq ki, Ukrayna ətrafındakı situasiya ilə əlaqədar Moskva və Tokio arasında münasibətlər gərgindir, Yaponiya hökuməti ərazi məsələsinin həlli istiqamətində siyasətini və Rusiya ilə sülh müqaviləsi bağlamaq istəyini qoruyub saxlayır", - deyə o Kisida qeyd edib.
Xatırladaq ki, II Dünya müharibəsində Rusiya Yaponiyanın Kuril adalarındakı torpaqlarını tutub. Müharibədən sonra hələ də iki ölkə arasında sülh razılaşması olmayıb və tərəflər Kurili öz əraziləri hesab edirlər.
