"Diplomatik həll yoxdur" - Paşinyan danışıqlardan imtina etdi
Ermənistan Baş naziri Nikol Paşinyan "Facebook" səhifəsində canlı yayımda bildirib ki, hazırki mərhələdə Qarabağ münaqişənin diplomatik yolla həlli barədə danışmaq mənasızdır.
"Qarabağ probleminin, heç olmasa bu mərhələdə, əslində diplomatik yolla həll edilə bilməyəcəyini anlamalıyıq" - deyə o vurğulayıb.
N.Paşinyan bildirib ki, Ermənistan hakimiyyəti dəfələrlə məsələni qarşılıqlı kompromislər əsasında həll etməyə hazır olduğunu bildirib:
"Ancaq təcrübə göstərdi ki, bu məntiq erməni tərəfi üçün məqbul, Azərbaycan tərəfi üçün qəbuledilməzdir. Bakının bütün diplomatik taktikaları və strategiyası dəyişməz olaraq qalır. Yəni danışıqları və digər müxtəlif amilləri nəzərə alaraq razı olduğumuzu və ya razılaşacağımız şərtləri Azərbaycan artıq qəbul etmir".
Onun fikrincə, bu mərhələdə hər hansı bir diplomatik qərar barədə danışmaq mənasızdır.
