Ermənilər Rusiyanı yox, Qərbi seçdilər - İrəvanda sorğu

İrəvanda sakinlər arasında rəy sorğusu keçirilib. 

İrəvan Dövlət Universitetinin Sosiologiya fakültəsi cəmiyyətin hansı yönümlü olduğunu, Qərb və ya Rusiya vektoruna necə yanaşdığını öyrənmək üçün ictimaiyyət arasında sorğular təşkil edib.

Nəticələrlə tanış olan erməni mənbələri bildirib ki, sorğunun nəticələrinə əsasən, rusiyapərəstlik Ermənistanda əvvəlki kimi populyar deyil. 

"Hraparak" nəşrinin məlumatına görə, araşdırmalar nəticəsində məlum olub ki, Ermənistan əhalisi Qərbi Rusiyadan daha üstün tutur. Rəyi soruşulan respondentlərin böyük əksəriyyəti Rusiyadan imtina edərək, Qərbi seçib. Hətta Rusiyanın rolunun açıq-aşkar böyük olduğu və Ermənistan iqtisadiyyatın əsaslı şəkildə Rusiya iqtisadiyyatı ilə bağlı olduğu iqtisadi əməkdaşlıq məsələsində də əhali Qərblə münasibətləri Rusiyadan üstün tutur.

Yerli əhali ilə yanaşı, Ermənistan hakimiyyəti də siyasi gedişlərdə Qərbə meyilli olduğunu nümayiş etdirir.