Laçın yolunda yoxlama aparatı quraşdırılacaq - Erməni mediası

Laçın-Xankəndi yolunda gediş-gəlişə nəzarət məqsədilə "X-ray" yoxlama aparatı quraşdırıla bilər.

Bu barədə Ermənistanın “Hraparak” nəşri məlumat yayıb.

Bildirilib ki, Azərbaycan erməni separatçılarının, ağır hərbi texnikaların Qarabağdan çıxarılmasını, mədənlərdə monitorinqlərin aparılması və Laçın dəhlizində x-ray aparatlarının quraşdırılması ilə bağlı tələblər irəli sürüb.

Qəzet iddia edir ki, son danışıqlar zamanı x-ray aparatlarının quraşdırılması barədə razılıq əldə olunub. Digər məsələlərlə bağlı danışıqlar davam etdiriləcək.