"ABŞ Türkiyənin yanında terror dövləti yaratmağa çalışır" - Süleyman Soylu

“ABŞ Türkiyənin yanında terror dövləti yaratmağa çalışır”. 

Bunu Türkiyənin daxili işlər naziri Süleyman Soylu deyib

“Gezi hadisələrindən sonra Türkiyə sərmayələrin azalmasına səbəb olan bir sıra hadisələrlə üzləşdi. Buna pandemiya da əlavə olundu. Biz dünyanın ən böyük problemi - miqrasiya dalğası ilə qarşı-qarşıyayıq. Amerika bizim yanımızda terror dövləti yaratmaq istəyir. Biz tədbir görürük. Buna qarşı dörd böyük əməliyyat həyata keçirmişik”, - Soylu CNN Türk-ə müsahibəsində bildirib.

“Amerikasız bu risk aradan qalxmayacaq. Əfqanıstanla nə ediblər? İraq və Suriyanın dirçəlməsi asan deyil. Sabit xərclər var. Bu asan məsələ deyil. Amerika uzun müddətdir terror dövləti yaratmağa çalışır. Doğrudanmı Türkiyənin bununla mübarizə apara bilməyəcəyini düşünürlər... Dünən Hakkaridə idim, Kato Marinos bölgəsində terror təşkilatı üçün logistika zonası var idi. Katoda əməliyyat keçirəndə, yüzlərlə terrorçu var idi. Biz ora maddi-texniki resursların ötürülməsinin qarşısını aldıq, həm maddi-texniki, həm də insan resurslarının ötürülməsini dayandırdıq”, - deyə Soylu vurğulayıb.