"Tam həqiqəti göstərəcəyik": Stiven Siqal ukraynalıların "bizdə nasistlər yoxdur" sözlərindən şoka düşüb
"ABŞ və Avropada Rusiya barəsində güclü saxta təbliğat maşını işləyir, xarici KİV-lərdə Ukrayna haqqında yazanların 99 faizi heç vaxt orada olmayıb..."
"Mən NATO və ABŞ-ın dediyi kimi, Ukraynaya hərbi müdaxilə olmadığını sübut etmək istəyirəm..."
Məşhur Hollivud aktyoru, son zamanlardan isə həm də Rusiyanın "Amerika mənşəli" nümunəvi vətəndaşı Stiven Siqal Samarada "Gitaralar sıradadır" antifaşist mahnı festivalında" keçirdiyi mətbuat konfransında məlumat verib ki, Ukraynadakı müharibə haqqında sənədli film çəkir.
"Azsiyaset.com" xəbər verir ki, bu barədə "Samara qəzeti" məlumat yayıb.
Məşhurun sözlərinə görə, bu film baş verənlər barədə tam həqiqəti göstərəcək."Hazırda xüsusi əməliyyat zonasında baş verən hadisələr barədə sənədli film çəkilir, çünki mən bunun böyük vəzifə olduğu qənaətindəyəm.
Mən bizə və bütün dünyaya orada baş verənlər barədə tam həqiqəti göstərmək və bunun NATO, ABŞ və digər ölkə nümayəndələrinin dediyi kimi, hərbi müdaxilə olmadığını sübut etmək istəyirəm", - aktyor bəyan edib.
"ABŞ və Avropada Rusiya və onun hərəkətlərinin saxtalaşdırılması üzrə güclü təbliğat maşını işləyir, - aktyor buna əmindir. - Xarici KİV-lərdə Ukrayna haqqında yazanların 99 faizi heç vaxt orada olmayanlardır".
Siqalın fikrincə, "bu informasiyanı həm də ABŞ-da olan analitik mərkəzlər ustalıqla onlara ötürür".Stivenin özü isə qürurla bəyan edib ki, 2022-ci ilin yayında Donbasa səfər edib, ön cəbhədə olub və "orada baş verənlərin hamısını görüb".
"Mən şəxsən bir çox rusiyalı əsgər və zabitlərlə ünsiyyətdə olmuşam, - kinomatoqrafçı əmin edib.Eyni zamanda, Ukrayna sakinləri ilə söhbət etmək imkanım olub. Ukraynalıların, yerli əhalinin onlarda nasistlərin olmadığını hesab etməsi mənim üçün şok olub".
Əvvəllər xəbər verildiyi kimi, fevralın 27-də Rusiya prezidenti Vladimir Putin amerikalı aktyor, "Ədalətli Rusiya-Həqiqət uğrunda" partiyasının üzvü və Rusiya XİN-in ABŞ və Yaponiya ilə humanitar əlaqələr üzrə xüsusi nümayəndəsi Stiven Friderik Siqalın "Dostluq Ordeni" ilə təltif edilməsi haqqında fərman imzalayıb.Bu mükafata o, beynəlxalq mədəni-humanitar əməkdaşlığın inkişafına böyük tövhələr verdiyinə görə layiq görülüb, fərmanda deyilir.
Stiven Siqal 1952-ci ildə anadan olub.
1980-1990-cl illərdə döyüş filmlərinin əvəzedilməz qəhrəmanl kimi məşhurlaşıb. O cümlədən "Mühasirədə", "Ölümcül təhlükədə", "Ədalət naminə" filmləri böyük uğur qazanıb.Siqal aykido ustasıdır, karate və digər döyüş məharətinə malikdir.Ata xətti ilə yəhudi babası və nənəsi Natan Ziqelman və Dora Qoldşteyn Sankt-Peterburqdan ABŞ-a köçüb.Aktyor özünü "monqol" hesab edir və deyir ki, onun əcdadları Buryatiyanın cənubunda yerləşən Kyaxta şəhərindəndir.
Stiven Siqal 2016-cı il noyabrın 3-də Rusiya vətəndaşlığı alıb. Ona pasportu şəxsən Vladimir Putin təqdim edib.
