"Moskva Ukraynanın NATO-ya üzv olmasında maraqlıdır" - Kissincerdən mühüm açıqlamalar

“Ukraynanın NATO-ya qəbulu Avropa ölkələrinə onun üzərində nəzarəti həyata keçirməyə və bütövlükdə Avropanı Ukrayna hökumətinin düşünülməmiş hərəkətlərindən qorumağa imkan verəcək”.

Bunu keçmiş dövlət katibi və ABŞ prezidentinin milli təhlükəsizlik üzrə keçmiş müşaviri Henri Kissincer “The Economist”ə müsahibəsində bildirib.

Siyasətçi hesab edir ki, Ukraynanın alyansa daxil olmasında təkcə Kiyev deyil, Moskva da maraqlıdır. Çünki bu, Ukrayna hakimiyyətinin gələcəkdə ərazi mübahisələrini həll etmək üçün hərbi yoldan istifadə etməyəcəyinə zəmanət olardı.

Kissincerin sözlərinə görə, xüsusi əməliyyat Rusiya mövqelərinin bir hissəsinin itirilməsi və digərlərinin saxlanılması ilə başa çatarsa, münaqişə tərəflərindən heç biri qane olmayacaq. Bu, yeni qarşıdurmanın başlanğıcını əvvəlcədən müəyyən edə bilər.

“İndi avropalıların Ukraynanın alyansa daxil olması perspektivləri haqqında dedikləri, məncə, olduqca təhlükəlidir. Çünki avropalılar deyirlər: “Biz onları NATO-da istəmirik, çünki onlar çox risklidirlər”. Beləliklə, biz onları o ki var silahlandıracağıq və onlara ən müasir silahları verəcəyik. İndi biz Ukraynanı o qədər silahlandırmışıq ki, sonda o, Avropanın ən yaxşı silahlanmış, strateji baxımdan ən təcrübəsiz rəhbərliyinə malik ölkəsinə çevriləcək”, - ABŞ-ın keçmiş dövlət katibi bildirib.

O, həmçinin qeyd edib ki, Ukraynanın hərbi bloka üzvlük təşəbbüsü ən azı onunla əsaslandırılır ki, Kiyev ərazi iddiaları ilə bağlı məsələləri müstəqil həll etmək imkanını itirəcək.

Elə həmin müsahibədə Kissincer ABŞ və Çini bəşəriyyətin varlığına əsas təhlükə adlandırıb. Onun fikrincə, bu, əsasən Tayvanla bağlı vəziyyətlə bağlıdır(azpolitika.info).