İran görüşü izləyirdi, “öz dəhlizini” istəyir - Şakaryants

Rusiyanın regionu tərk edib-etməməsindən asılı olmayaraq, bunu müzakirə etməyin mənası yoxdur. Maraqlı deyil. Əliyev və Paşinyan Moskvada Aİİ-nin iclasında əslində Putini fakt qarşısında qoydular: Biz razılaşdıq. Və bu, əslində rəsmi olaraq səslənirdi. Ona görə də bu görüş, orada nə qədər davam etsə də, gərəksiz və mənasız idi. İki rəhbər əvvəlcədən öz aralarında razılaşıblar, üçüncüsü, bildiyiniz kimi, artıqdır.

Azsiyaset.com xəbər verir ki, bunu erməni politoloq Sergey Şakaryants deyib.

“Həm Əliyev, həm də Paşinyan Laçın yolundan danışarkən Rusiyaya sərt şəkildə dedilər ki, bura sizin məsuliyyət sahənizdir. Bir lider Qarabağın Azərbaycan olduğunu bildirdi, digəri beynəlxalq təminat tələb etdi. Rusiyanın regionu tərk edib-etməməsindən asılı olmayaraq, bunu müzakirə etməyin də mənası yoxdur. 90-cı illərdə Rusiya artıq bir dəfə buranı tərk etdi, nəsə dəyişdi? Burada başqa bir sual yaranır: Rusiyanın ən yaxın tərəfdaşları hadisələrə necə reaksiya verəcək?” - o bildirib.

Şakaryantsın fikrincə, İran burada Rusiya, Türkiyə, Amerika və ya NATO-nun deyil, öz dəhlizinə sahib olmaq niyyətindədir:

“Əminəm ki, İran bu günlərdə Moskvada baş verənləri diqqətlə izləyirdi. Onlar bizimlə məlumat paylaşa bilərdilər, amma etməyəcəklər. Çünki görürlər ki, İrəvanda etibar edə biləcəkləri təbəqə yoxdur”.