Hindistandan Rusiyaya jest - Zelenskini G20 sammitinə dəvət etməyib
08 iyun, 2023 13:09
Hindistan Ukrayna lideri Vladimir Zelenskini sentyabrın 9 və 10-da Yeni Dehlidə keçiriləcək G20 sammitinə dəvət etməyib.
Bu barədə bu gün TASS Hindistanın xarici işlər naziri Subramanyam Cayşankara istinadən məlumat yayıb.
“Bizim fikrimizcə, G20 sammitində G20-yə üzv dövlətlər və dəvət etdiyimiz ölkələr və təşkilatlar iştirak edir", - nazir deyib.
Cayşankar vurğulayıb ki, Hindistan dəvətlilərin siyahısını hələ dekabr ayında G20-nin sədri olanda açıqlayıb və məsələn yenidən nəzərdən keçirilməyib.
Bundan əvvəl Rusiya Federasiyası Prezidentinin mətbuat katibi Dmitri Peskov Vladimir Putinin G20 sammitində iştirak edəcəyini istisna etməyib. Onun sözlərinə görə, qərar əlavə olaraq veriləcək.
