İran səfiri bu dəfə nazir müavini ilə görüşdü...

İran səfiri Abbas Musəvi Azərbaycan xarici işlər nazirinin müavini Fariz Rzayevlə görüşüb.

Fars News xəbər verir ki, görüşdə ikitərəfli münasibətlər, xüsusilə konsulluq sahəsi, Azərbaycanda yaşayan iranlılar və bu ölkədəki iranlı məhbusların son vəziyyəti, eləcə də iki ölkəni maraqlandıran digər məsələlər müzakirə edilib.

Səfir bu yaxınlarda Azərbaycan Respublikası Dövlət Gömrük Komitəsinin yeni rəhbəri ilə görüşündə iki ölkənin gömrük orqanları arasında, o cümlədən dörd sərhəd bölgəsində daha sıx əməkdaşlıq prosesindən söz açıb.