İrandan qaçaqmalçılıq yolu ilə 30 kiloqram narkotik vasitənin keçirilməsinin qarşısı alınıb

Dövlət Sərhəd Xidmətinin məlumatına görə, “Göytəpə” sərhəd dəstəsinin xidməti ərazisində ümumi çəkisi 29 kiloqram 455 qram narkotik vasitələrin qaçaqmalçılıq yolu ilə Azərbaycana keçirilməsinin qarşısı alınıb. 

Həmçinin avqust ayının 20-də saat 12:15-də Yardımlı rayonu Ləzran kəndi yaxınlığında yerləşən sərhəd zastavasının xidməti ərazisində ümumi çəkisi 5 kiloqram 15 qram narkotik vasitə, o cümlədən 2 kiloqram 430 qram marixuana, 2 kiloqram 585 qram tiryək aşkar edilib. Həmin günü saat 13:10-da Cəlilabad rayonu Edişə kəndi yaxınlığında 24 kiloqram 440 qram narkotik vasitə, o cümlədən13 kiloqram 760 qram marixuana, 7 kiloqram 870 qram heroin, 1 kiloqram 815 qram tiryək, 995 qram metamfetamin aşkar olunub. 

Hər iki fakt üzrə əməliyyаt-istintaq tədbirləri dаvаm еtdirilir.