"Qarabağda növbəti əməliyyatlar başlaya bilər" - Pol Qobl

“Dəfələrlə dediyim kimi, Moskva Ermənistanla Azərbaycan arasında sülh istəmir, ona görə də münaqişənin başlanmasına qarşı çıxmayacaq”.  

Bu fikirləri Bizim.Media-ya açıqlamasında ABŞ Dövlət Departamentinin sabiq əməkdaşı, amerikalı məşhur politoloq Pol Qobl deyib. 

Son günlər Ermənistanın atəşkəsi dəfələrlə pozmasına diqqət çəkən analitik Rusiyanın gərginlikdəki səssizliyinin Kremlin maraqlarına uyğun olmasına diqqət çəkib.  

Analitik Azərbaycanın Qarabağda geniş əməliyyatlar keçirməsinin mümkünlüyünü vurğulayıb: 

“Davam etsələr, növbəti döyüş raundunun olacağı riski var. Azərbaycan hərbi cəhətdən qalib gələcək. Lakin bu qələbəyə görə beynəlxalq aləmdə mənfi reaksiyalara məruz qala bilər. Qərb nizamlanma istəyir. Xüsusən Rusiyanın zəiflədiyi bir vaxtda Bakı da, İrəvan da bundan faydalana bilər”, - deyə P.Qobl əlavə edib.