ABŞ "Böyük depressiya"ya doğru gedir - Yeganə müttəfiqini məhv edir

Co Bayden administrasiyası Ukraynadakı münaqişəni uzatmaqla, dünyada liderliyini itirir və müttəfiqi olan Qərbi Avropanı məhv edir.

Bunu amerikalı jurnalist Taker Karlson radioaparıcı Adam Korolla müsahibəsində bildirib.

Onun sözlərinə görə, hazırda Vaşinqtonun yalnız bir müttəfiqi var - Qərbi Avropa ölkələri.

“Qərbi Avropa Ukrayna münaqişəsinə görə məhv edilir. Bayden administrasiyası “Şimal axını”nı partlatdığı anda Almaniya iqtisadiyyatı çökdü”, – Karlson bildirib.

O, Ağ Ev nümayəndələrinin hərəkətlərinin Amerikanın dünyaya nəzarəti tamamilə itirməsinə gətirib çıxardığını bildirib. Karlson əlavə edib ki, ABŞ indi "sərbəst eniş" içindədir və başqa bir "Böyük depressiya"ya doğru gedir.