Düşmənin ordu komandanının müavini, polkovnik Artur Sərkisyan və mayor Artur Qazaryan məhv edildi
29 oktyabr, 2020 10:57
Ötən gün oktyabrın 28-də düşmənin cəbhənin müxtəlif istiqamətlərində hücum cəhdlərinin qarşısı ordumuz tərəfindən qətiyyətlə alınıb, düşmən xeyli sayda canlı qüvvə, hərbi texnika, o cümlədən yüksək rütbəli zabitlərini itirib və geri çəkilib.
Azərbaycan Müdafiə Nazirliyindən verilən məlumata görə, ordumuzun apardığı döyüş əməliyyatları zamanı Ermənistanın 1-ci ümumqoşun ordusu komandanının müavini, polkovnik Artur Sərkisyan və 18-ci motoatıcı diviziyasının rabitə rəisi, mayor Aram Qazaryan məhv edilib.
Bundan əlavə 1-ci ümumqoşun ordunun artilleriya idarəsinin zabiti, polkovnik-leytenant B.Aseryan, 2-ci motoatıcı alayın komandiri Hunan Hayrumyan yaralanıb və 5-ci dağatıcı alayın 3-cü taborunun komandir müavini Roman Tunyan itkin düşüb.
