ETTELAAT rəhbəri Azərbaycanla gərginlikdən danışdı

İranın təhlükəsizlik və kəşfiyyat naziri İsmayıl Xətib İran-Azərbaycan gərginliyi ilə bağlı ölkə televiziyasına müsahibə verib.

O, iki ölkə arasında ciddi problemlərin olmadığını bildirib.

“Bakı ilə aramızda ciddi problemlər yoxdur, bunu daha çox siyasilər və media orqanları şişirdilmiş formada göstərir. Olan problemləri də danışıqlar yolu ilə həll etməyə çalışırıq”, - Xətib bildirib.

İsmayıl Xətibin çıxışında bir neçə dəfə “İran İslam Respublikası və Bakı” ifadələrini işlətməsi, Azərbaycan Respublikasının adını çəkməməsi diqqət çəkib.