Artıq 5 minə yaxın insan Qarabağdan Ermənistana gedib
25 sentyabr, 2023 14:05
Qarabağdan Ermənistana gedən ermənilərin sayı 5 minə çatır. Ermənistan KİV-lərinin yaydığı xəbərlərə əsasən, 25 sentyabr saat 12:00-a olan məlumata görə 4850 erməni Qarabağdan Ermənistan Respublikasına gedib. Sosial şəbəkələrdə Ermənistan istiqamətindəki yolda böyük tıxacları əks etdirən fotoşəkil yayılıb.
Separatçılar yerli sakinləri panikaya düşməməyə, yollarda tıxac yaratmamağa çağırır, bunun yaralıların təxliyəsini çətinləşdirdiyini bildirirlər. Qarabağı tərk etmə prosesinə vaxt məhdudiyyəti qoyulmayacağı və bütün arzu edənlərin Qarabağı tərk edə biləcəyi bildirilir.
