"Özünüzü aldatmayın, İsrail quru əməliyyatına başlayacaq" - Medvedev
27 oktyabr, 2023 13:03
İsrailin Qəzza zolağında quru əməliyyatı həyata keçiriləcək və qarşıdakı illər ərzində “qarşılıqlı zorakılıq maşını” işə salınacaq.
TASS xəbər verir ki, bunu Rusiya Təhlükəsizlik Şurasının sədr müavini Dmitri Medvedev bildirib.
"İsrail Qəzzada quru əməliyyatını daim təxirə salır. Əsasən ABŞ-ın təzyiqi və dünyanın qəzəbindən qorxaraq. Amma özünüzü aldatmayın. Əməliyyat baş tutacaq və ən ağır, qanlı nəticələrə səbəb olacaq. Molox (Qurbanlar Allahı-red.) həmişə daha çox və yeni qurbanlar tələb edir. Qarşılıqlı zorakılıq maşını artıq illərlə işləyəcək”, - deyə o, Telegram kanalında yazıb.
