Tehranda Türkiyə-İran siyasi məsləhətləşmələri aparılacaq
20 dekabr, 2023 17:45
Sabah Tehranda Türkiyə ilə İran arasında siyasi məsləhətləşmələr baş tutacaq.
Bu barədə Türkiyə XİN-dən diplomatik mənbələr məlumat yayıb.
2 gün davam edəcək məsləhətləşmələrə Türkiyə xarici işlər nazirinin müavini, səfir Əhməd Yıldız və İranın xarici işlər nazirinin müavini Əli Baqiri Kəni sədrlik edəcəklər.
Türkiyə ilə İran arasında mütəmadi olaraq keçirilən siyasi məsləhətləşmələrdə İranla ikitərəfli əlaqələrin müzakirəsi, regional və beynəlxalq hadisələr, xüsusilə Qəzzadakı vəziyyət haqqında fikir mübadiləsi aparılması nəzərdə tutulur.
