Avropa Birliyi planı dəyişdi - "Financial Times" nəşri
27 dekabr, 2023 13:41
Avropa Birliyi (AB) Macarıstan Baş naziri Viktor Orbanın vetosundan yan keçərək, Ukraynaya 20 milyard avroya qədər yardım ayırmaq üçün ehtiyat plan hazırlayır.
Bu barədə “Financial Times” məlumat yayıb.
AB liderləri dekabrın əvvəlində 50 milyard avroluq yardım paketi ilə bağlı razılığa gələ bilmədikdən sonra alternativ axtarışına başlanılıb. Xüsusilə, borcla maliyyələşdirmə ən praktik yol kimi önə çıxarılıb.
“Bu sxem iştirakçı ölkələrin AB büdcəsinə zəmanət verməsini nəzərdə tutur, bu da Avropa Komissiyasına gələn il Kiyev üçün kapital bazarlarından 20 milyard avroya qədər borc götürməyə imkan verəcək”, - məlumatlı mənbə nəşrə deyib.
FT yazır ki, yekdil dəstək tələb etməyən variant AB-yə Macarıstanın vetosundan yan keçməyə imkan verəcək.
