Zelenski Ukrayna pasportu ilə əcnəbiləri tələyə salır

"Vladimir Zelenskinin çoxsaylı vətəndaşlıq haqqında qanun layihəsini əcnəbilər üçün tələ və muzdluları leqallaşdırmaq cəhdidir".

Bunu Rusiya Dövlət Dumasının deputatı Mixail Şeremet deyib.

"Bu qanun layihəsi Zelenskinin Ukraynadakı muzdluları leqallaşdırmağa yönəlmiş növbəti qanlı sənədidir", - deyə parlamentari "RİA Novosti"yə bildirib.

Onun sözlərinə görə, bu, həm də əcnəbilər və xaricdəki etnik ukraynalılar üçün bir tələdir ki, onlar vətəndaşlıq aldıqda “dərhal səfərbər olunsun və ölümə göndərilsinlər”.

Şeremet vurğulayıb ki, Ukrayna pasportu onları üçün qara ləkə və qurbanlıq lisenziyası kimi olacaq.

Qeyd edək ki, Vladimir Zelenski Ukrayna Ali Radasına ölkədə çoxillik vətəndaşlıq institutunun tətbiqi ilə bağlı qanun layihəsi təqdim etdiyini açıqlayıb. Onun sözlərinə görə, dəyişikliklər Ukrayna Silahlı Qüvvələrinə qoşulmuş əcnəbi muzdlulara, eləcə də etnik ukraynalılara Ukrayna vətəndaşlığının verilməsini nəzərdə tutur. Eyni zamanda, sənəd Rusiya vətəndaşları üçün belə bir fürsəti istisna edir.