Köçəryan təsdiqlədi - Ermənistanın KTMT-yə üzvlüyü dondurulub
26 fevral, 2024 15:33
“Ermənistanın Kollektiv Təhlükəsizlik Müqaviləsi Təşkilatına (KTMT) üzvlüyü dondurulub”.
Bunu Ermənistan parlamentinin hakim “Vətəndaş sazişi” partiyasından olan deputatı Andranik Köçəryan jurnalistlərlə söhbətində təsdiqləyib.
Köçəryan bu məsələnin detallarını açıqlamaqdan imtina edib.
Bir müddət əvvəl Rusiya Xarici İşlər Nazirliyi Ermənistanın baş naziri Nikol Paşinyanın ölkənin Kollektiv Təhlükəsizlik Müqaviləsi Təşkilatında (KTMT) iştirakının “dondurulması” ilə bağlı bəyanatına cavab verib. Moskva İrəvandan bu məsələ ilə bağlı ikitərəfli qaydada hərtərəfli aydınlıq gətirilməsini istəyib.
