"Rusiya nüvə müharibəsinə hazırdır" - Putin
“Rusiya ölkənin suverenliyini və müstəqilliyini qorumaq üçün nüvə silahından istifadə etməyə hazırdır”.
Bunu Rusiya Prezidenti Vladimir Putin “Rossiya 1” və “RİA Novosti” üçün jurnalist Dmitri Kiselyova müsahibəsində bildirib.
“Silahlar istifadə etmək üçün mövcuddur”, - Putin əlavə edib.
Eyni zamanda, Rusiya lideri qeyd edib ki, Rusiyanın nüvə silahından istifadə şərtləri onun Milli Təhlükəsizlik Strategiyasında öz əksini tapıb.
Qeyd edək ki, bundan əvvəl Putin Rusiyanın nüvə triadasının modernləşdirilməsi baxımından digər ölkələri qabaqlamasının inkarolunmaz fakt olduğunu bildirib. Rusiya Prezidentinin sözlərinə görə, bu məsələni araşdıran bütün ekspertlər rus nüvə triadasının modernləşmə baxımından Amerikadan üstün olması barədə yekdil fikirdədirlər.
Xatırladaq ki, nüvə triadası strateji aviasiya, nüvə enerjisi ilə işləyən raket sualtı qayıqları və qitələrarası ballistik raketlərdir.
