Calal Arutyunyanın müavini məhv edilib
28 oktyabr 2020-ci il tarixində Azərbaycan Müdafiə Nazirliyi məlumat yaymışdı ki, Qarabağda keçirilən döyüş əməliyyatları nəticəsində "DQR" nin müdafiə naziri Cəlal Arutyunyanın "müdafiə ordusu" komandirinin müavini polkovnik Artur Sarkisyan məhv edilib.
Bu gün Ermənistan Müdafiə Nazirliyi Qarabağ münaqişəsi zonasında döyüşlər zamanı öldürülən hərbçilərin daha bir siyahısını açıqlayıb.
Bu siyahıda öldürülənlər arasında 1975-ci il təvəllüdlü Artur Sarkisoviç Sarkisyan da var. Sarkisyan 4 iyul 2020-ci ildə “müdafiə nazirinin” müavini və “müdafiə ordusu komandirinin” müavini təyin edilmişdi.
Qeyd edək ki, Azərbaycan Müdafiə Nazirliyi polkovnik Artur Sərkisyanın məhv edildiyi barədə hələ oktyabrın 29-da məlumat yayıb. Həmin vaxt Ermənistan ordusunun 18-ci diviziyasının qərargah rəisi, polkovnik Sergey Şakaryanın da məhv edildiyi açıqlanmışdı. Düşmən tərəf isə bu itkilərini yalnız indi təsdiqləyir.
