Avropa İttifaqı Şurası Ukrayna ilə təhlükəsizlik haqqında sazişi təsdiqləyib
26 iyun, 2024 10:32
Avropa İttifaqı (Aİ) Şurası Lüksemburqda Avropa işləri üzrə nazirlər səviyyəsində keçirilən iclas zamanı Aİ ilə Ukrayna arasında təhlükəsizlik sazişinin müddəalarını təsdiqləyib.
Bu barədə Aİ Şurasına sədrlik edən Belçikanın xarici işlər naziri Hadija Labib görüşdən sonra məlumat verib.
"Aİ Şurası bu gün Aİ və Ukrayna arasında qarşılıqlı təhlükəsizlik öhdəlikləri haqqında sazişin müddəalarını təsdiqləyib", - deyə o bildirib.
Hadija Labib bu sənədin məzmunu ilə bağlı təfərrüatı açıqlamayıb. Sənədin Ukrayna Prezidenti Volodimir Zelenskinin dəvətli qonaq qismində çıxış edəcəyi Aİ sammitində imzalanması gözlənilir.
