Durov bu ölkənin sifarişi ilə saxlanılıb - Fransız ekspert

Fransa yeganə ölkədir ki, hüquq-mühafizə orqanları Teleqramın yaradıcısı Pavel Durovu saxlaya bilər.

Bunu fransız politoloq və publisist Ksavye Moreau deyib.

“Təəssüf ki, mən bunu bir fransız kimi deyirəm. Durov ABŞ-ın tələbi ilə saxlanılıb. Konstitusiyaya söz azadlığı hüququnu təmin edən Birinci Düzəliş səbəbindən Vaşinqton bunu təkbaşına edə bilmədi. Teleqramın təsisçisinə qarşı irəli sürülən ittihamlar da qəribədir. Mobil şirkətlərin rəhbərlərinin də başına bu iş gələ bilər. Çünki bundan istifadə edəcək narkotik satıcıları olacaq”, - politoloq bildirib.