"Qara qutu”"ar tam açıldı, məlumatlar Qazaxıstana göndərildi
07 yanvar, 2025 12:12
Braziliya Hərbi Hava Qüvvələrinin Təyyarə Qəzalarının Araşdırılması və Təhlili Mərkəzi Qazaxıstanın Aktau şəhəri yaxınlığında qəzaya uğrayan Azərbaycan Hava Yollarına (AZAL) məxsus təyyarənin uçuş qeydlərinin (“qara qutu”larının) açılması prosesini başa çatdırıb.
Bu barədə Braziliyanın G1 portalına mərkəzdəki mənbələr məlumat verib.
“İki qeyd cihazından məlumatların çıxarılması, toplanması və yoxlanılması başa çatıb”, - məlumatda qeyd edilib. Digər tərəfdən, “O Globo” qəzeti yazıb ki, mərkəz artıq müvafiq məlumatları Qazaxıstan hakimiyyətinə göndərib.
