ABŞ-dən Ermənistana İranla bağlı tələb
ABŞ və Avropa İttifaqının (Aİ) “Qərbə inteqrasiya kursu” götürən Ermənistandan bir sıra tələbləri var.
“Brüssel kulislərində danışılanlara görə, İrəvanın Avropaya tam inteqrasiyaya nail olmaq üçün beş mühüm addım atacağı gözlənilir. Bir yandan, İrəvanın KTMT və Avrasiya İqtisadi Birliyindən rəsmən çıxacağı, digər tərəfdən, 2013-cü ildə Avropa İttifaqı ilə imzalanmış assosiasiya sazişini təsdiqləməsi gözlənilir. ABŞ və Aİ həmçinin Ermənistandan sanksiya qoyulmuş strateji malların Qərbdən Rusiyaya ofşor şirkətləri vasitəsilə daşınmasına son qoymağı tələb edir. Paşinyanın Rusiyanın Ukraynaya təcavüzünü pisləməsi gözlənilərkən, İranla strateji tərəfdaşlığa son qoyulması da tələb olunur”, - Türkiyə portalı qeyd edir.
Xatırladaq ki, hökumət dünən keçirilən iclasında “Ermənistan Respublikasının Avropa İttifaqına qoşulması prosesinin başlanması haqqında” qanun layihəsini təsdiqləyib.
