İran XİN: - "Vaşinqtonla dialoqa hazırıq..."

İran tərəfi Birgə Hərtərəfli Fəaliyyət Planı (JCPOA) üzrə danışıqları bərpa etməyə hazırdır.

2Mehr" xəbər verir ki, bunu xarici işlər nazirinin müavini Kazem Qəribabadi deyib.

O bildirib: "Biz hər zaman buna hazırıq. Əgər digər tərəflər də hazırdırsa, o zaman danışıqların baş tutacağına və nəticəyə gətirib çıxaracağına inanırıq".

Qəribabadi qeyd edib ki, Tehran “dialoq və anlaşma üçün imkanlar” görür:

"Ən ağlabatan yol sanksiyaların ləğvi ilə bağlı danışıqlara başlamaqdır. Bu, düzgün yoldur".

Diplomat İranın nüvə proqramının dinc xarakter daşıdığını vurğulayıb.

Xatırladaq ki, Tehranın iqtisadi sanksiyaların ləğvi müqabilində nüvə fəaliyyətlərini məhdudlaşdırmağa razı olduğu JCPOA 2015-ci ildə İran və altı beynəlxalq vasitəçi (Böyük Britaniya, Almaniya, Çin, Rusiya, ABŞ və Fransa) tərəfindən bağlanıb. ABŞ prezidenti Donald Tramp 2018-ci ilin mayında nüvə sazişindən çıxıb və birtərəfli anti-İran sanksiyalarını bərpa edib. Buna cavab olaraq, Tehran JCPOA çərçivəsində məhdudiyyətlərin mərhələli şəkildə ləğv edib.

2025-ci ildə JCPOA və BMT Təhlükəsizlik Şurasının onu təsdiq edən 2231 saylı qətnaməsinin 10 illik müddəti başa çatır, bundan sonra İran məsələsi Təhlükəsizlik Şurasının gündəliyindən çıxarılacaq.