Mask USAID-i "cinayətkar təşkilat" adlandırdı
ABŞ Hökumətinin Effektivliyi Departamentinin (DOGE) rəhbəri İlon Mask ABŞ Beynəlxalq İnkişaf Agentliyinin (USAID) cinayətkar təşkilat olduğunu bildirib.
O, bu barədə “X” sosial şəbəkə hesabında qeyd edib.
“USAID cinayətkar təşkilatdır. Artıq onun ölməsinin vaxtıdır”, - Mask bildirib.
“SpaceX”in təsisçisi həmçinin deyib ki, USAID Amerikaya nifrət edən solçu marksistlərin ilan yuvasıdır.
Qeyd edək ki, daha əvvəl “Associated Press” agentliyi mənbələrə istinadla USAID-in təhlükəsizlik xidmətinin iki rəhbərinin DOGE ilə münaqişə ilə bağlı inzibati məzuniyyətə göndərildiyini bildirmiş, onların Maskın departamentinə məxfi məlumat verməkdən imtina etdiyini qeyd etmişdi.
Eyni şəkildə yanvarın sonunda “NBC News” telekanalı USAID-in 50-dən çox əməkdaşının növbəti bildirişə qədər tam maaş və müavinətlərlə inzibati məzuniyyətə göndərildiyini bildirmiş, bu addıma USAİD-də Prezidentin sərəncamlarından yayınmağa yönəlmiş bir sıra hərəkətlərin aşkar edilməsinin səbəb olduğunu qeyd qeyd etmişdi.
