Mask Zelenskiyə Ukraynadan getməli olduğunu deyir
Tramp komandasının əsas məqsədlərindən birinin Putinin də istədiyi kimi, Volodimir Zelenskini nə yolla olursa olsun Ukrayna prezidentliyindən kənarlaşdırmaq olduğu artıq tam aydın görünür.
Amerikalı milyarder, Prezident Donald Trampın komandasının əsas fiqurlarından biri olan İlon Mask Zelenskinin Ukraynanı tərk etməli olduğunu deyib.
Onun fikrincə, Zelenski Ukraynadan çıxmalı və xarici ölkələrin birində “amnistiya almalıdır”.
X sosial şəbəkəsində belə bir paylaşım edən Mask hesab edir ki, Zelenskinin kənarlaşdırılması “Ukraynada demokratiyaya sülh yolu ilə keçidi” təmin edə bilər.
Zelenskini korrupsiyada günahlandıran başqa bir trampçının paylaşımına şərh əlavə edən Mask yazıb: “Doğrudur. Nə qədər xoşagəlməz olsa da, Zelenskiyə Ukraynada demokratiyaya sülh yolu ilə keçid müqabilində neytral ölkədə amnistiya təklif ediməlidir”.
