Ermənistan İsraili niyə hədələyir? - “Bədəlini ödəyəcək”: ŞƏRH
Azərbaycan ilə İsrail arasında hərbi-texniki əməkdaşlıq, silah və hərbi texnikanın alınması Ermənistanın qəzəbinə səbəb olub. Bunun nəticəsidir ki, Ermənistan Silahlı Qüvvələri Baş Qərargah rəisinin müşaviri Vladimir Poqosyan açıq şəkildə İsraili hədələyib. Bildirib ki, “İsrail 1933-cü il Almaniyası ilə bərabərdir və zaman gələcək İsraildən qisasımızı alacağıq, bilin”.
Bəs Ermənistanı İsraillə bağlı bu cür çıxış etməyə vadar edən nədir?
“Bu da özünü Azərbaycana loyal və tərəfdaş olan ölkələrə münasibətdə ən müxtəlif şəkillərdə, o cümlədən də məsuliyyətsiz bəyanatlarla, təhdidlərlə büruzə verir. Son günlər bu mənada ən çox hədəfə alınan ölkələrdən biri də İsraildir. Görünür, İrəvanda bununla Azərbaycan-İsrail tərəfdaşlığını əngəlləyə biləcəklərini düşünürlər. Həmin qeyri-adekvat bəyanat və çağırışları başqa cür dəyərləndirmək mümkün deyil. Azərbaycanla İsrail arasındakı əməkdaşlıq çoxşaxəli, strateji tərəfdaşlıqdır və bu tip təhdidlər ona təsir edə bilməz. Amma bunların əks-effekti Ermənistanın özü üçün ağır fəsadlar törədə bilər”.
İsrailin ünvanına səsləndirilən hədələrdən danışan politoloq əlavə etdi ki, bu hədələr hansısa erməni ekstremist təşkilatı və ya fərdi tərəfindən reallaşdırılsa, Ermənistan bədəlini ödəməli olacaq:
“İsrail belə hallara göz yumacaq, onları həzm edəcək dövlət deyil. Bu gün ekstremist əhvallı ermənilərin müxtəlif ölkələrdə Azərbaycan və Türkiyə vətəndaşlarına qarşı aqressiya göstərməsi isə bu cür halların gələcəkdə İsrail vətəndaşlarına və ümumiyyətlə, yəhudilərə qarşı baş verə biləcəyini istisna etmir. Digər tərəfdən də İsrailin faşist Almaniyası ilə müqayisəsi bəyanat sahiblərinin hansı mənəvi və əxlaqi keyfiyyətlərə malik olduğunu göstərir. Amma bütün bunlara baxmayaraq, düşünürəm ki, Azərbaycan-İsrail tərəfdaşlığı yüksələn xətt üzrə inkişaf edəcək, çünki bu, təkcə dövlətlərin qarşılıqlı maraqları deyil, ilk növbədə iki xalq arasında yüz illərdir mövcud olan sağlam əlaqələrin və münasibətlərin üzərində qurulub”.
Azsiyasət.com xəbər verir ki, mövzu ilə bağlı bakupost.az-a açıqlama verən “Qərb-Şərq” Araşdırmalar Mərkəzinin rəhbəri, politoloq Ərəstun Oruclu qeyd etdi ki, Ermənistanın Azərbaycana qarşı ərazi iddiaları üzərində qurulmuş işğalçı siyasətinin iflasa uğraması bu ölkənin istər siyasi, istərsə də hərbi rəhbərliyində ağır psixoloji durum yaradıb:
