Türkiyədə koronavirusdan ölənlərin sayı artır

Türkiyədə son sutka ərzində daha 17 nəfər koronavirusdan ölüb.

Medicina.az xəbər verir ki, bu barədə ölkənin səhiyyə naziri Fəxrəddin Qoca məlumat verib.
Nazir bildirib ki, bununla da ölkədə koronavirusdan ölənlərin ümumi sayı 5 167 nəfərə çatıb:
"Bu gün ölkədə koronavirus testindən keçənlərdən 1 186-sı cavabı pozitiv çıxıb. Bununla da yoluxanların ümumi sayı 202 284 nəfərə çatıb. Müalicə olunan 1 543 xəstə isə bu gün evə buraxılıb. Bununla da indiyədək 176 695 nəfər koronavirusdan müalicə olunub".