"Tarixin ibrətamiz dərsləri bizi yersiz humanizmə yol verməməyə səsləməlidir" - Sabiq nazir
"1905-сi ildə Cənubi Qafqazda erməni fitnəkarlığı nəticəsində başlanan, çoxlu insan tələfatı və dağıntılarla müşayiət olunan ilk "erməni-müsəlman" davası bir az səngiyəndə Şamaxı doğumlu erməni yazıçısı Aleksandr Şirvanzadə türk (azərbaycanlı) və erməni yazıçılarına, jurnalistlərə, ictimai xadimlərə müraciət edərək münaqişə günlərində türklərin erməniləri, yaxud ermənilərin türkləri xilas etmələri ilə bağlı şahid ifadələri ilə təsdiqini tapan faktları ictimailəşdirməyə çağırmışdı".
Azsiyasət.com xəbər verir ki, bu barədə sabiq Xarici İşlər naziri Vilayət Quliyev sosial şəbəkədə yazıb.
O qeyd edib ki, Azərbaycanlı müəlliflər həm anadilli, həm də rusdilli Bakı və Tiflis qəzetlərində çoxsaylı tarixçələr çap etdirsələr də, erməni tərəfdən heç bir səs-soraq çıxmamışdı:
"Hər halda dövrün Azərbaycan mətbuatında bu haqda informasiyaya təsadüf edilmir. Başqa sözlə desək, erməni cəmiyyətində belə nəciblik və insanpərvərlik, mərdlik və kişilik örnəyi qeydə alınmamışdı. Tarixin bu ibrətamiz dərsləri bizi indiki günlərdə kifayət qədər diqqətli olmağa, düşmənlə düşmən kimi davranmağa, yersiz humanizmə yol verməməyə səsləməlidir".
