Avropanın ən güclü 28 ADAMI

Astanasında olduğumuz 2021-ci ildə gözlənilməz hadisələrin baş verə biləcəyi proqnozlaşdırlır. ABŞ Prezidenti Donald Tramp və Almaniyanın Kansleri Angela Merkel vəzifədən gedir. Amerikada Co Bayden  dövrü başlayır, dünyada koronavirusa qarşı uğurlu vaksin hazırlamaq və tədarük etmək uğrunda yarışma qızışır.

“Politico” dərgisi gələn il üçün Avropanın ən güclü 28 şəxsiyyətinin siyahısını hazırlayıb. Bu siyahı bir suala cavab tapmağa çalışır: pandemiya qitənin güc strukturuna necə təsir göstərib və gələn il kim ən güclü nüfuza sahib olduğunu sərgiləyəcək?

Azsiyasət.com “Azadlıq” radisosuna istinadən xəbər veriri ki, 15 ildir kansler vəzifəsində olan və yaxınlarda istefa verəcək Angela Merkel siyahının başında gəlir. Qalan 27 nəfər isə işgörənlər, işpozanlar və xəyal edənlər kateqoriyalarına bölünür.

Siyahıda 15 yeri siyasətçilər tutub. Əvvəlki illərdən fərqli olaraq bu dəfə siyahıda müxtəlif sahələrin – biznes, elm, səhiyyə, mədəniyyət və idman təmsilçiləri yer alıb.

Siyahıda futbolçudan tutmuş prezidentəcən xeyli sima yer alır.

Qeyri-siyasilər sırasında irqçiliyə qarşı fransalı fəal Roxaya Diallo, Telegram sosial şəbəkəsinin qurucusu Pavel Durov, “Harry Potter” kitablarının müəllifi J.K. Roulinq var.
Mancçester Yunayted”ın futbolçusu, uşaq yoxsulluğu ilə mübarizə aparan Markus Raşford siyahının ən gənc üzvüdür. Onun 23 yaşı var.
Ümumilikdə siyahıya 16 kişi və 12 qadın daxildir.
Türkiyə Prezidenti Rəcəb Tayyip Ərdoğan 6-cı yerdədir. Onun son vaxtlar söz savaşı yaşadığı fransalı həmkarı Emmanuel Makron isə 5-ci yeri tutub.

Britaniyanın Baş naziri Boris Conson 9-cudur.

Rusiya Prezidenti Vladimir Putin işpozanlar siyahısında 6-cı olub.
Belarus müxalifətçisi, 9 avqust seçkisində Aleksandr Lukaşenkonın deyil, onun prezident seçildiyi bildirilən Svetlana Tixanovskaya xəyal edənlər kateqoriyasında 6-cı yerdədir.