"Bu manevr Rusiya sülhməramlılarını qorxutmaq məqsədi daşıyırdı" - Pentaqon Sandunu dəstəkləyəcək

Ötən ay Rumıniyada Amerika Birləşmiş Ştatlarının (ABŞ) zərbə-kəşfiyyat dronlarının yerləşdirilməsi Moldovada Maya Sandunun dəstəklənməsi istiqamətində eks-prezident Donald Trampın vida jesti sayıla bilər. Bu fikri NATO-nun Rusiyadakı sabiq nümayəndəsi Harri Tabax «İki sözlə» internet-portalın jurnalistinə verdiyi müsahibədə səsləndirib.

Onun sözlərinə görə, bu manevr Dnestryanıdakı rusiyalı sülhməramlıları qorxutmaq məqsədilə həyata keçirilib və böyük ehtimalla, proses Vaşinqtonun yeni administrasiyası tərəfindən də davam etdiriləcək.

«Görəndə ki, belə manevrlər edilir, fikirləşirsən - bu isə ordu manevridir - məhz bu rayonda, nə üçün Rumıniya ətrafında baş verir? Əlbəttə, bu, Moldovaya görədir, çünki bu qız (Maya Sandu nəzərdə tutulur - Red.) ordadır, görünür ciddidir. Heç vaxt hansısa bircə səbəb olmur, həmişə «səbəblər buketi» olur» - Tabax bəyan edib.

Ekspert mümkün hesab edir ki, Kişinyovda Avropa yönlü siyasətçilərin hakimiyyətə gəlməsi səyləri Kiyevlə birləşdirə və «Dnestryanıya qarşı total blokada» təşkil edə bilər.

«Başqa sözlə, mahiyətcə, ümumilikdə, Dnestryanının və oradakı Rusiya ordusunun tam blokadaya alınmasının mümkünlüyü Ukraynadan və Moldovadan asılıdır. Yəni o zaman Dnestryanı tamamilə muxtar olacaq. Aviaəlaqə önlənsə, başqa ölkələrə çıxışı olmayacaq…» - deyə, həmsöhbətlər eyni fikrə gəliblər.

Xatırladaq ki, yanvarın 12-də Moldova dövlətinin başçısı bu vəzifədə ilk olaraq Ukraynaya rəsmi səfər edəcək. Dnestryanı tənzimləmə məsələsi üzrə müzakirə olunacaq mövzulardan biri də Kiyevin və Rusiyanın ATƏT-lə birlikdə vasitəçi-qarant olmasıdır. Bundan əvvəl Sandu Ukraynanın «Avropa həqiqəti» nəşrinə verdiyi müsahibədə qeyd etmişdi ki, indiyə qədər Kişinyovun sol sahil bölgəsinin Moldova ilə reinteqrasiyasına yönəlik «yumşaq» yanaşmasından təəssüf hissi keçirir. O, ukraynalı həmkarlarını Donbasa yönəlik belə səhvlərdən çəkinməyə çağırmışdı. Bununla paralel olaraq, Sandu anti-Rusiya ritorikasına qayıdaraq, Rusiya hərbi qüvvələrinin ləngimədən Dnestryanı bölgədən çııxarılmasını və onların ATƏT-in mülki missiyası ilə əvəzlənməsini tələb etmişdi.