"Hökumət daxilində təhlükəli mafiya var..." - Müşfiq Ələsgərlidən sensasiyalı açıqlama
Mətbuat Şurası sədrinin müavini və Jurnalistlərin Həmkarlar İttifaqının sədri Müşfiq Ələsgərli "Youtube"da yayımlanan "Xural TV"də sensasiya sayıla biləcək açıqlama ilə çıxış edib.
Azsiyasət.com xəbər verir ki, o, Azərbaycanda mütəşəkkil şəkildə fəaliyyət göstərən “qrant mafiyası”nın olduğunu bildirib. Onun iddiasına görə, həmin şəbəkə heç bir şəxsə və ya quruma böyük məbləğdə qrant almağa imkan vermir:
"5-10 min manat qrantı çoxları ala bilər, amma məbləğ çox olanda, bu mafiya məsələyə qarışır. Adlarını hələlik açıqlaya bilmərəm, çünki öz həyatıma görə qorxuram. Onlar iddiaçıya qara yaxırlar, onun adını saxta donoslarla ləkələyirlər, elə vəziyyətə salırlar ki, iddiaçı qrant müraciətindən imtina edir. Onlar özləri 10 milyon, bəzən hətta 10 milyon qrant alırlar. Və özlərindən başqa kimisə bu sahəyə yaxın buraxmırlar".
Mətbuat Şurası funksioneri bildirib ki, o, özü də bu şəbəkənin qurbanına çevrilib:
“Mən xarici donordan 200 min manat qrant udmuşdum. Həmin şəbəkə məni elə günə saldı ki, həmin pul hesabımdan geri qaytarıldı”.
