Müsavat Partiyası Sevinc Osmanqızının ittihamlarına cavab verdi

Jurnalist Sevinc Osmanqızı canlı yayımlarının birində Müsavat Partiyasının danışıqlara getdiyini eyham edərək növbəti parlament seçkilərində partiya başqanı Arif Hacılının mandat alacağını vurğulayıb.

Azsiyasət.com xəbər verir ki, bu fikirlərə münasibət bildirən Arif Hacılı isə Müsavat kimi bir partiyanın parlamentdə təmsil olunmamasının daha təəccüblü olduğunu söyləyib: 

“Müsavat Partiyası danışıqlara getməyən yeganə partiyadır. Müxtəlif dövrlərdə Azərbaycanda fəaliyyət göstərən siyasi partiyalar hakimiyyətlə partiya mənafeləri, şəxsi mənafeləri, şəxsi siyasi kariyeraları ilə əlaqədar danışıqlar aparıb, müəyyən nəticələr əldə ediblər. Müsavat Partiyası isə heç vaxt belə əlaqələrdə olmayıb. Görünür, opponentlərimizi Müsavat Partiyasının bu fərqli xüsusiyyəti narahat edir”, - deyə Arif Hacılı bildirib.