İranın xarici işlər naziri Bakıdadır: "Qardaş ölkə Azərbaycanın torpaqlarını geri almasından məmnunuq"

İran xarici işlər naziri Cavad Zərif Rusiya, Ermənistan, Gürcüstan və Türkiyəni də əhatə edəcək regional turnesi çərçivəsində az əvvəl Bakıya səfərə gəlib. Virtualaz.org TRT-yə istinadən xəbər verir ki, nazir Bakıya yola düşərkən Tehran aerportunda jurnalistlərə açıqlamasında səfər çərçivəsində regional əməkdaşlıq məsələlərini müzakirə edəcəklərini deyib.

“Qardaş ölkə Azərbaycanın torpaqlarını geri almasından məmnunuq. Bu gün Azərbaycan torpaqları Azərbaycan xalqının əlindədir. Xalqın azad edilən bölgələrdə evlərinə sürətlə dönməsi üçün yardım etmək istəyirik”,- Məhəmməd Cavad Zərif bildirib.

Nazir deyib ki, azərbaycanlı tərəfdaşlarla Qarabağakı stabillik, sülh və bölgənin yenidən qurulması mövzularını müzakirə edəcək. Danışıqlarda tranzit yükdaşımaları və Cənub-Şimal nəqliyyat dəhlizi ilə bağlı məsələlər də gündəmə gələcək.