Türkiyə PKK-ya qarşı İranla sərhədə 81 kilometrlik beton divar inşa etdi - VİDEO

Türkiyə hökuməti PKK-nın İran ərazisindən ölkə ərazisinə sızmasının qarşısını almaq üçün bu ölkə ilə sərhədə uzunluğu 81 kilometrdən çox olan beton divar inşa edib. Beton sədd Ağrı bölgəsinin İranla sərhədinə çəkilib, hündürlüyü bir neçə metr olan divarın üstü boyu tikanlı məftillərdən ibarət əlavə təhlükəsizlik səddi də yer alır. Bu səddin hündürlüyü 1 metrdir, beton sədd boyu gülləkeçirməz şüşələrlə təchiz olunan 15 qapı da qoyulub.

Beton səddin çəkilməsi 2017-ci ildə başlayıb və bu günlərdə tamamlanıb. Səddin çəkilməsinin məqsədi həm də İran ərazisindən keçməklə Türkiyəyə narkotik qaçaqmalçılığının və qeyri-leqal miqrantların axınının qarşısını almaqdır.

Qeyd edək ki, Tramp administrasiyası dövründə ABŞ-da özünün Meksika ilə sərhədinə təhlükəsizlik divarı çəkib.

virtualaz.org