"Qərb Rusiyanı itaətkar bir ölkəyə çevirməyə çalışır" - Sergey Lavrov

“Qərb Rusiyanı ərazisində öz maraqlarını təşviq edə biləcəyi itaətkar bir ölkəyə çevirməyə çalışır”.

Azsiyasət.com xəbər verir ki, bu barədə Rusiya xarici işlər naziri Sergey Lavrov bildirib. O qeyd edib ki, bu cür cəhdlər getdikcə daha şiddətli olmağa başlayır.

“Rusiyanın müstəqil olmaq, müstəqil xarici siyasət hüququnu müdafiə etmək, beynəlxalq hüququ müdafiə etmək istiqamətində etdiyi bütün cəhdlər bizi böyük hesabda itaətkar ölkə etmək istəyən Qərb həmkarlarımızın daha da sərt müqaviməti ilə qarşılaşır”,- deyə Lavrov qeyd edib.

Lavrov, Qərbin inandığı dəyərləri Rusiyaya tətbiq etməyə çalışdığını, həmçinin bu dəyərlərin şübhəli və rus mədəniyyətindən uzaq olduğunu bildirib. XİN rəhbəri bununla mübarizə aparmaq üçün qərarlarda və hərəkətlərində sələflərinin təcrübəsinə etibar etməli olan diplomatların güc, bilik və təcrübəsinə ehtiyac olduğunu vurğulayıb.

Sergey Lavrov çıxışında Rusiyanı ədalətli və çoxqütblü dünya nizamının əsas təminatçılarından biri adlandırıb.