"Xamenei Azərbaycan ərazilərinin azad olunmasının..." - İranda baş tutan konfransda nələr danışıldı?
Beynəlxalq hüquq normalarına və dini prinsiplərə görə, Azərbaycan hökumətinin və xalqının Qarabağ münaqişəsi zonasında öz ərazilərinin azad edilməsi üzrə fəaliyyəti tamamilə qanuni olub.
Bu barədə ötən bazar ertəsi İranda keçirilmiş konfransda qəbul olunmuş bəyanatda söhbət açılır. Xəbəri martın 2-də «Mehr» xəbər agentliyi yayıb.
Dünən şiələrin müqəddəs şəhəri Qumda Qarabağ münaqişəsi üzrə beynəlxalq konfrans keçirilib. Tədbirdə İran ekspertləri və onların Azərbaycandan, Rusiyadan, Türkiyədən, Ukraynadan və Belarusdan olan həmkarları işirak ediblər.
Konfransın başlanğıcında İranın ali dini lideri ayətulla Seyid Əli Xameneinin müraciəti səslənib. Xamenei Azərbaycan ərazilərinin azad olunmasının, münaqişə bölgəsində yaşayan ermənilərin təhlükəsizliyinin təmin edilməsinin və beynəlxalq birlik tərəfindən tanınmış sərhədlərə hörmət edilməsinin qaçılmaz olduğunu bildirib.
"Mehr" agentliyi konfransın yekun bəyanatının mətnini dərc edib. Mətni bəzi ixtisarlarla oxucuların diqqətinə çatdırırıq:
"Beynəlxalq hüquqa əsasən, Azərbaycana məxsus Dağlıq Qarabağ bölgəsi İslam ərazisinin bir hissəsi və bu ölkənin ayrılmaz tərkib hissəsidir. Biz, incidilmiş Azərbayan Respublikasını dəstəkləyirik və müdafiə edirik. Hüquqi və dini nöqteyi-nəzərdən öz ərazilərinin azad edilməsi istiqamətində Azəbaycan hökumətinin və xalqının fəaliyyəti tamamilə qanunidir və Birləşmiş Millətlər Təşkilatı (BMT) Təhlükəsizlik Şurasının (TŞ) dörd qətnaməsinə uyğundur. Konfrans iştirakçıları qeyd ediblər ki, bölgəsel təhlükəsizlik və sülhə bölgəyə xarici güclərin… cəlb edilməsi yolu ilə nail olmaq mümkün deyil…»
