Azərbaycan əsgəri Qafanda - Ermənilər panikaya düşdü - VİDEO
Azərbaycan əsgərlərinin çəkdiyi video Ermənistanda qalmaqal yaradıb.
Azsiyasət.com xəbər verir ki, Azərbaycan əsgərlərinin maşınla Qafan şəhərinə getməsi və ətrafdakı hər şeyi videoya alması sosial şəbəkələrdə növbəti dəfə panika yaradıb. İddia ediblər ki, Azərbaycan bu ərazilərə "əl qoymaq” istəyir.
Ermənistan Milli Təhlükəsizlik Xidməti artıq videoya münasibət bildirib və görüntülərin Azərbaycan əsgərləri tərəfindən çəkildiyini təsdiqləyib.
"Bu videoçəkiliş Sünik və Çakaten kəndləri arasındakı yolda hələ bir ay əvvəl Rusiya sülhməramlılarının müşayiəti ilə sərhədçilərin üçtərəfli işçi qrupunun görüşündə iştirak etmək üçün əvvəlcədən razılaşdırılmış marşrutla hərəkət edən Azərbaycan hərbçiləri tərəfindən aparılıb", - məlumatda bildirilir.
Həmçinin qeyd olunub ki, Ermənistan və Azərbaycan sərhədçiləri dislokasiya yerlərində rusiyalı həmkarları ilə əməkdaşlıqları çərçivəsində Gorus-Kafan yolunun Şurnux-David-bek (Zeyvə) ərazisində sərhəd işlərinin həyata keçirilməsi ilə məşğuldurlar.
Ermənistan MTX şayiələrə inanmamağa çağırıb və naharatlıq üçün heç bir əsas olmadığını qeyd edib.
Sfera.az
