Fransa da Avropa İttifaqını tərk edir?

Fransanın nüfuzlu “Le Figaro” qəzetinin yazarı Laurent Herble Avropa İttifaqının koronavirus pandemiyası zamanı qeyri-kafi və yararsız qaldığını və Parisin də ittifaqdan çıxa biləcəyini iddia edib.

Azsiyasət.com xəbər verir ki, bu barədə o, nəşrdə dərc olunan “Avropa İttifaqında sonun başlanğıcıdır” adlı məqaləsində bildirib.  

Məqalədə Avropa İttifaqının koronavirus epidemiyasındakı rolunu tam üzərinə götürə bilmədiyi və fəaliyyətinin qeyri-kafi olduğu qeyd olunub.

Herble məqaləsində Fransanın da İngiltərə kimi Aİ-dən çıxa biləcəyini vurğulayaraq “Frexit” bənzətməsindən istifadə edib.

“Aİ qeyri-adekvat bir quruluşdur”,- deyə o, məqaləsində qeyd edib.

Aİ-nin xüsusilə epidemiyanın səbəb olduğu iqtisadi problemlərdə effektiv həll ortaya çıxara bilmədiyini deyən Herble, “Avropa Birliyi bizi maliyyə, iqtisadi və ya tibbi böhrandan qoruya bilmədi. AB bizi iflic edən, diqqəti yayındıran və bizi qorumaq üçün heç bir şey etməyən qeyri-adekvat bürokratik quruluşdur”,- deyə ittifaqı tənqid edib.

Xatırladaq ki, 2016-cı ilin iyununda keçirilən “Brexit” üzrə referendumun gedişində Böyük Britaniya vətəndaşlarının 51,9 faizi ölkənin Avropa ittifaqının tərkibindən çıxmasına səs vermişdi.

Bu ilin yanvarın 1-i isə İngiltərənin Avropa İttifaqından çıxmasından (“Brexit”) sonra keçid dövrü sona çatıb və tərəflər arasında əməkdaşlıq və ticarət mövzusunda razılaşmalar qüvvəyə minib.