Co Bayden Putini qatil adlandırdı
17 mart, 2021 16:35
ABŞ prezidenti Cozef Bayden Rusiya prezidenti Vladimir Putini qatil hesab etdiyini deyib.
Azsiyasət.com xəbər verir ki, ABC kanalına müsahibəsində Bayden jurnalistin "Putini qatil hesab edirsinizmi" sualına "bəli" deyə cavab verib. Bayden həmçinin Rusiya prezidentinin ABŞ-dakı son seçkilərə müdaxiləyə görə cavab verəcəyini də bildirib:
“Rusiya prezidenti 2020-ci ildə ABŞ-da keçirilən seçkiyə müdaxiləsinin bədəlini ödəyəcək”.
ABŞ kəşfiyyatının martın 16-da açıqlanan hesabatında Moskva keçmiş prezident Donald Trampı dəstəkləməyə cəhddə, Cozef Baydeni nüfuzdan salmaqda və ABŞ cəmiyyətinə "nifaq toxumu səpməkdə" ittiham olunur. Baydenə Putinlə bağlı suallar da bu hesabat kontekstində verilib.
