"Report" agentliyinin səhvi - Terrorçu Prezident tərəfindən əfv edilməyib
18 mart, 2021 18:33
“Report” agentliyi Bakı Metropolitenində partlayış törədən terrorçunun Azərbaycan Prezidenti İlham Əliyev tərəfindən əfv edilməsi barədə yanlış məlumat yayıb.
Azsiyasət.com-un virtualaz.org-a istinadən verdiyi məlumata görə, "Report" agentliyi bildirib ki, Prezidentin əfv etdiyi şəxslər arasında 1994-cü ildə metronun "28 May" və "Gənclik"stansiyaları arasında qatarda partlayış törədən Azər Aslanovun da adı var. O zaman partlayış nəticəsində 13 nəfər həlak olmuş, 42 nəfər yaralanmışdı.
İnformasiya bir neçə dəqiqə ərzində sosial şəbəkələrdə yayılıb və Azərbaycan ictimaiyyəti arasında çaşqınlıq yaradıb.
Daha sonra Agentlik səhv etdiyini etiraf edərək təkzib yayıb.
