Türkiyədə FETO əməliyyatı: Vəzifəli şəxslər tutuldu - FOTOLAR
23 mart, 2021 10:01
Türkiyə Silahlı Qüvvələrinin (TSK) FETÖ terror təşkilatı ilə əməkdaşlıqda şübhəli bilinən hərbi qulluqçularının saxlanılması istiqamətində genişmiqyaslı əməliyyat keçirilib.
Azsiyasət.com xəbər verir ki, Türkiyənin İzmir Baş Prokurorluğu tərəfindən keçirilən əməliyyatlarda 184 hərbiçinin saxlanılmasına qərar verilib. Onlardan 123-ü hazırda TSK-da fəaliyyətdə olan hərbiçilərdir.
Əməliyyatlar Türkiyənin 53 vilayətində paralel keçirilir. Gecə saatlatında başladılan əməliyyatlarda şübhəlilərdən əksəriyyəti artıq nəzarətə götürülüb.
