"İngiltərə-Rusiya münasibətləri dərin böhran yaşayır" - Rusiya XİN
25 mart, 2021 19:37
2020-ci ildən Rusiya ilə Böyük Britaniya arasındakı ikitərəfli münasibətlər, krallığın sərt sanksiya təzyiqləri fonunda dərin böhran yaşayır.
Azsiyasət.com xəbər verir ki, bu barədə Rusiya Xarici İşlər Nazirliyinin saytında yerləşdirilmiş Rusiya Federasiyasının 2020-ci il xarici siyasətinin icmalında bildirilib.
"Böyük Britaniya ilə siyasi münasibətlər bu ölkənin Rusiyaya qarşı sərt və sanskiya yönümlü təzyiqləri nəticəsində dərin böhran vəziyyətində qalmaqdadır"
Eyni zamanda, sənəddə keçən ilin nəticələrindən sonra Böyük Britaniyanın Rusiya Federasiyasının "nəzərə çarpan xarici iqtisadi tərəfdaşları" arasında olduğu qeyd olunub. Belə ki keçən il ölkələr arasında kitərəfli ticarət 53,6% artaraq 26,5 milyard dollar təşkil edib.
